大家好！我本身唔係CD, 但唔會對CD反感，其實我係一個絲襪迷，想同大家分享吓我嘅故事：
Joyce 係我女朋友，已拍拖一年有多，我地感情好好㗎。其實Joyce 係我第一份工嘅同事，佢係經理個秘書，我就係部門𥚃嘅一個會計文員，我大佢一年左右。起初大家都無乜feel，不過佢同我都係住公屋，家庭背景又有D相近，佢父母生3個都係女，我父母生3個都係仔，大家都係最細嘅，佢中學讀女校，我中學讀男校，傾吓傾吓就熟D啦，不過我嗰陣都無諗過追佢。我喺嗰間公司做咗一年左右就轉咗去第二份工，之後就無並面成年，直至大概一年幾前我喺工作上遇到挫折，好唔開心，唔知點解突然諗起Joyce, 想搵佢呻，於是膽粗粗call佢，約佢喺佢屋企附近見面，其實當時都無信心Joyce 會出嚟，第一，已經成年無聯絡，第二，嗰時係一個星
期二嘅晚上10點，點知佢應約，嗰晚傾到成1點，我舒服咗好多，知後我地保持聯絡，估都估到，大約3星期後我向Joyce 表白，就咁樣我地開始拍拖啦。
雖然我年紀俾佢大，但總覺得Joyce 喺待人接物方面都比我叻，出的主意通常都比我好，所以我好多時都聽她的，或者喺佢同我D朋友中Joyce 似乎係dominant嗰個，但我係甘心亦開心俾佢話事。當靜係得我倆嘅時候（通常係喺公園哂月光時），Joyce 都會小鳥依人，比平時表現得更女人，我同樣受落。平時除咗行街睇戲食飯，我地都有講講理想和將來。
有時Joyce 也會捉埋我去陪佢買返工衫同化妝品，我樂於奉陪。有一次Joyce 放工我去接佢，離遠見到佢個look我簡直眼前一亮，Joyce 用一條蝴蝶結絲帶扎咗一條馬尾，露出咗兩粒細細但閃玲玲嘅耳環，化咗一
個濃淡合宜嘅妝，穿著一套西裙suit，一對黑絲襪和一對黑色高跟鞋，我無諗過佢會咁嘅look，因為以前同佢做同事時佢都係casual look返工，我問佢點解咁look, Joyce 話早上要陪老細去見一個大客，要take minutes，所以formal dressing。我即時忍唔住讚佢今日好靚，我好鍾意，Joyce 笑住口話好開心我讚佢靚。第二日我鼓起勇氣同Joyce 講我對絲襪著迷（之前唔敢講因怕她話我變態），Joyce 聽後個樣有D怪（我心諗死啦），隔咗10秒到Joyce 話有事走先，唔食晚飯啦。我心知不妙，但都硬住頭皮問佢聽日仲睇唔睇戲，Joyce 話照睇。我跟住擔心咗成晚，第二日星期六我如常係戲院門口等佢，見到Joyce嘅時候我眼前一亮: 紅色格仔短裙、厚黑絲加豆零踭，我興奮極了。Joyce 問我佢今日靚唔靚，佢話係琴晚知道我對絲襪著迷後特登連飯都唔食趕去銅鑼灣買裙買絲襪買鞋，想今日俾個surprise我，我聽後好感動，我對Joyce 話佢好靚，我好鍾意，不過我問佢以後可否靜係咁著比我睇，因我唔想佢俾其他麻nut佬睇舌哂，Joyce 話ok。不過其實好難靜係俾我睇嘅。Joyce 好叻嘅，佢知我心意，有時同佢出街，佢話想我陪佢去買絲襪，實情係佢想試吓我鍾意佢著乜野款式，有時同佢出街佢會casual look，唔著絲襪，有時Joyce 會短褲或短裙加黑絲，或一D我幫佢揀嘅襪褲，佢咁嘅pattern令我每次見到佢都表現得好興奮同開心。我係唔係已經俾Joyce 收服咗做咗佢個兵呢？
覺得好的就按一下感謝吧~~
