潛水怕屈機
今年會考繼卷一《春江花雨夜》後，今日考評局又有新必殺技對付一眾考生。今年卷五可稱得上為「潮」！主題圍繞潮流用語，當中錄音內容出人意表，首先有「海洋世界」一段宣傳聲帶，然後又有男主角獻唱Twins首本名曲「戀愛大過天」，可謂爛gag四起！閱讀材料亦不輸蝕，口語無處不在，例如有「勁吹」、「達人」、「CU」(seeyou)，當中更有一句火星文「見鬼勿O嘴 潛水怕屈機」令人摸不著頭腦。「見鬼勿O嘴」相信大部份考生都明白含意，但係「潛水怕屈機」究竟點解？其實原意應該為「不要怕屈機而潛水」。考評局實在「潮得太潮」，想用爛gag舒緩考生心情，可惜，考試中途無啦啦咁搞法，會令人好難頂！
講返試題方面，沿用舊年形式，考生可以在錄音內兩個主角當中，以其中一人身份寫講稿。其實，又係一個陰謀！主角有兩人，一男一女，如果以男主角身份去寫，作為一個潮流網站網主，應該要對潮流用語讚不絕口，利多於弊，要支持海報一；但係以女主魚身份去作，從錄音可得知女主角對潮流用語存有多少分意見，所以應該要針對弊病去講，弊多於利，支持海報二，否則全篇講稿就沒法達到「真情對話」原意。
覺得好的就按一下感謝吧~~
