今日終於都的起心肝去左位於沙田既“一田”一趟啦(因我是港島人, 且此行還有另一目的, 去傳聞就執間校服舖買校服), 果然如傳聞一樣, 好多款式, 且有好幾隻牌子都好少係出面d 公司見到, 仲見到傳說中既五指襪褲, 且仲多左隻牌子揀, 但以我所見五指位依然加厚, 雖然佢係40D, 無咁覺, 但成$129 仲要得M-L, 真係要諗諗, 同時場中仲有隻三指絲襪, 價錢比五指襪褲更貴, 係防止姆指外反用的, 所以我無乜興趣, 不過另一邊就有吸引返我既野, 就係佢地既多款不同厚度, 花紋既彩色絲襪, 真係令人有買晒佢既衝動, 但我都壓止到我既衝動, 決定行完一轉先決定買唔買
果然學DoDo姐話齌, 意外即係意料之外丫嘛, 在我周圍逛期間, 竟然俾我發現一個舊商場內, 有一檔絲襪檔有我一直想搵, 足裸加厚的台版壓力絲襪, 價錢同五指襪褲差不多, 且在sales 姐姐專心講解下, 我決定買台版壓力絲襪(我決定等一田大減價先一次過掃貨), 接著沙田之旅就此結束, 但今日既行程未完架, 好戲在後頭, 待續...
雖然去一田無乜收獲, 但估唔到因為搭港鐵返屋企而令我既絲襪收獲增加, 本來諗住去到尖東轉地鐵既, 但諗諗下轉搭地鐵條路鬼死咁長, 我又唔趕, 不如轉搭渡輪啦, 又可順道行下sogo, 但又諗起sogo 無做減價, 可能都係得個行字, 咁就走左去新世界廣場裏面既新世界百貨度行啦, 老實講, 就算尋日星期日去行都只係得小貓三四隻, 閒日就只會見到sales 0係度吹水, 無人行的, 我去都係因為之前上網見有人話佢裏面有間鞋鋪有大至42-43既鞋賣先去睇下(之前已去睇過, 可惜最大得41), 不過一如所料都係無碼, 所以就去左佢地個絲襪部行啦, 唔好以為佢靜個絲襪部就無料到, Gunze 既絲襪款新舊都有, 仲幾齊添, 只係未見過佢做特價, 所以我寧願去sogo或永安買, 但好處係無人理你(但可能會成全場sales 目光焦點), 言歸正傳, 去到絲襪部一如所料無平野(其實有, 不過薄絲我無興趣, 好似5對定3對套裝$40), 但佢對面一間賣內衣既專櫃就發現d 絲襪標住50% off, 本來見係外國野都應該唔平, 但都走左入去睇下有乜款, 計埋花紋有五隻款, 經sales 解說呢隻係意大利品牌, 但已準備撤離香港, 所以先做半價, 唔計花紋款, 其他四隻分別有美腿,修腿,修pat,同修腰作用, 美腿同修腿兩個款都係20d, 修pat同修腰款都有150-80d, 而最震撼既係佢既價錢, 美腿款原價只係$28, 修腿款$38, 修pat款$58, 修腰款$98, 花紋款$58, 半價後一對意大利品牌既絲襪, 只需平過女人街絲襪既價錢就買到, 真係好抵, 即時入左佢既花紋(只得返2對),美腿和修腿款試下, 但全部款只得返黑色(修腰款大碼有肉色), 佢應該做到13號, 有興趣可去睇睇, 我就暫時未得閒試, 出住圖俾你地睇下先啦
台版壓力絲襪
花紋款絲襪
美腿款絲襪
修腿款絲襪
噚晚終於試左意大利牌子d 絲襪, 無想像中咁好, 美腿款絲襪應該叫涼薄絲襪貼切d, 著上後同無著一樣(不是視覺上), 感覺清爽, 但極易爛, 指甲一勾已出現兩個小洞, 而修腿款絲襪就有點似破無素足的 AWP絲襪, 又係緊緊地帶點光澤, 但無美腿款咁易爛, 花紋款就未試, 但個人覺得此品牌的質料普通, 同普通日本絲襪差不多, 買黎玩下就ok
[
本帖最後由 noel 於 2008-7-1 20:53 編輯 ]
覺得好的就按一下感謝吧~~
